Por Europa Press / Redacción | SANTIAGO DE COMPOSTELA | 14/07/2024 | Actualizada ás 20:32
Tres persoas tiveron que ser trasladadas en Ourense polos servizos sanitarios tras producirse un incendio na cociña dunha vivenda debido a unha tixola esquecida ao lume.
Segundo informou o 112, os feitos sucederon pouco despois das 14.00 horas nun piso situado na rúa Doutor Cabaleiro. A esa hora, os veciños, que escoitaron berros de auxilio e viron que saía fume do terceiro piso, deron aviso á central de emerxencias.
No interior do domicilio había dúas persoas que solicitaban axuda: a propietaria da vivenda, que usa cadeira de rodas, e unha empregada doméstica. Ademais, tamén resultou afectado o fume un veciño que acudiu a axudalas.
Ao parecer, o lume comezou por unha tixola que quedara esquecida no lume e estendeuse á campá extractora e aos mobles próximos. Ata o lugar desprazáronse os Bombeiros de Ourense, ademais de axentes da Policía Nacional e Policía Local. Pola súa banda, os servizos sanitarios evacuaron ao tres feridos ao centro hospitalario de referencia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.