Galicia paga en menos de 14 días aos seus provedores a peche de maio, segundo mellor dato entre comunidades
Segundo os datos publicados polo Ministerio de Facenda.
Por Europa Press / Redacción | SANTIAGO DE COMPOSTELA | 22/07/2024 | Actualizada ás 17:52
Galicia pagou os seus provedores en 13,7 días a peche de maio, segundo os datos publicados polo Ministerio de Facenda. Deste xeito, Galicia é a segunda comunidade que abona aos seus provedores en menos tempo, só por detrás de Estremadura (11 días).
O dato galego é 17 días inferior á media española, de 30,7 días. No outro extremo, Murcia conta coa peor cifra (80,6 días). Galicia está 16 días por baixo do límite de 30 días para realizar os abonos que fixa a normativa estatal.
Nun comunicado, a Consellería de Facenda tamén subliña que Galicia é a autonomía con menor taxa de endebedamento comercial, un 0,11%, por baixo da media autonómica, que foi do 0,31%. A débeda comercial do conxunto de comunidades era de 4.821 millóns, dos que só 89,6 millóns corresponden a Galicia.
