Controlado o incendio en Allariz, un día despois de que se rexistrase outro na mesma parroquia

A Consellería do Medio Rural deu por controlado o incendio forestal de Allariz que calcinou 0,93 hectáreas, segundo as primeiras estimacións. O lume rexistrouse concretamente na parroquia de Queiroás, na que outro lume rexistrado o venres quedou extinguido entrada a madrugada. Segundo informaron fontes da Consellería de Medio Rural, foi rexistrado ás 13,53 horas deste sábado e, polo momento, a superficie afectada é inferior a unha hectárea.

Na súa extinción participan dous axentes, seis brigadas, tres motobombas, dous avións e dous helicópteros. Precisamente, na mesma parroquia orixinouse ás 19,28 horas do venres outro lume, que quedou extinguido ás 00,26 horas tras afectar a unha superficie de 0,24 hectáreas.

Por último, Medio Rural informado de que ás 21,06 horas do venres quedou extinguido o lume que tivo lugar na parroquia de Meis, en Pontevedra, tras afectar a 1,28 hectáreas.