As licenzas outorgadas para a construción de edificios en Galicia soben un 14,9% en abril, ata 170 inmobles

As licenzas outorgadas por municipios galegos para a construción de edificios de nova planta subiron un 14,86% en abril, ata 170 inmobles, segundo datos publicados este mércores polo Instituto Galego de Estatística (IGE), recollidos por Europa Press.

Con elas, crearanse 351 vivendas, un 88,7% máis que en abril de 2023, cando esta cifra foi de 186 domicilios. Para a rehabilitación de edificios concedéronse 151 licenzas, un 2,7% máis, polo que se crearán 56 vivendas, un 1,75% menos que no cuarto mes do exercicio previo. Ademais, en abril demoléronse 23 vivendas.

Traballadores da construción nunha obra. | Fonte: Europa Press