Activo un incendio en Cualedro que leva arrasadas 8,7 hectáreas

Un incendio permanece activo no municipio de Cualedro, na provincia de Ourense, segundo informaron a Europa Press desde a Consellería do Medio Rural. O lume está localizado na parroquia de Baldriz, no citado municipio ourensán e comezou sobre as 15.13 horas. A superficie afectada ascende a 8,7 hectáreas, apuntaron tamén. No lugar, atópanse seis axentes, once brigadas e dous técnicos, ademais de medios materiais: seis motobombas, dúas pas, cinco avións e catro helicópteros.

Árbores de eucalipto arden durante o incendio | Fonte: Carlos Castro - Arquivo