Cinco feridos leves tras a saída de vía dun coche na Veiga

Cinco persoas resultaron feridas de carácter leve tras a saída de vía dun vehículo no que viaxaban, segundo informa o 112 Galicia no seu parte de incidencias. O sinistro ocorreu pouco antes do dez da noite do xoves na rúa da Prada, no municipio ourensán da Veiga, precisa sobre o sucedido.

O aviso do accidente chegou a través de Urxencias Sanitarias de Galicia-061, que enviou ao lugar dous equipos. Pola súa banda, os axentes da Garda Civil de Tráfico e membros do GES da Veiga tamén acudiron para prestar apoio.

061 . | Fonte: Xunta de Galicia