O sector do mar tamén emprende
Abanca e a Fundación Clúster de Conservación de Produtos do Mar impulsan un acordo para potenciar as iniciativas emprendedoras na industria pesqueira.
Por GC Emprende | A Coruña | 11/12/2015 | Actualizada ás 19:38
Impulsar actividades de emprendemento no tecido empresarial relacionado cos produtos do mar. Ese é o obxectivo do convenio que Abanca e a Fundación Clúster de Conservación de Produtos do Mar subscribiron por oitavo ano consecutivo.
A finalidade deste acordo consiste en apoiar á fundación no fomento e difusión do espírito empresarial e a cultura emprendedora a través de accións divulgativas dirixidas a centros escolares, asociacións culturais e sociais e á cidadanía en xeral.
Mediante estas actuacións, a Fundación actuará como vehículo de transferencia do coñecemento entre o labor dos centros tecnolóxicos e a sociedade, fomentando actitudes de emprendimiento baseadas no impulso á innovación.
No acto de firma, celebrado na sede da Fundación, participaron o director de Negocio Institucional de Galicia, Asturias e León de Abanca, José Liño Comesaña, e o representante legal da Fundación Clúster de Conservación de Produtos do Mar, Juan Manuel Vieites.
