Ferida unha persoa tras unha saída de vía en Touro

Unha persoa resultou ferida tras saírse da vía co seu vehículo no municipio coruñés de Touro. Segundo informou o Consorcio Contra Incendios e de Salvamento A Coruña, o accidente produciuse sobre as 13.00 horas deste sábado e ata o punto desprazáronse os Bombeiros de Arzúa.

Unha vez no lugar comprobaron que o único ocupante do vehículo saíu polo seu propio pé e foi atendido polo persoal sanitario.

INCENDIO NUNHA CASA EN MESÍA

Noutra orde de asuntos, sobre as 17.00 horas desta xornada os Bombeiros de Ordes foron alertados dun incendio nunha vivenda no lugar da Cabra, en Mesía.

Segundo detallou o 112, o lume calcinou a cama, uns colchóns e algo de roupa e, a raíz do suceso, unha muller tivo que se evacuado polo estado de nerviosismo que presentaba.

Cando os Bombeiros de Ordes chegaron ao momento o lume xa estaba apagado xa que os particulares que estaban na vivenda usaron previamente un extintor e os efectivos do GES de Curtis acabaron de sufocar as chamas.

Camión de bombeiros