Ferrol financiará obradoiros para pacientes oncolóxicos e as súas familias en colaboración coa AECC

O alcalde de Ferrol, José Manuel Rey Varela, asinou no mediodía deste martes un convenio coa Asociación Española Contra o Cancro (AECC) na súa sede desta cidade, dotado con 5.000 euros, para desenvolver talleres para pacientes oncolóxicos e as súas familias, xa que "como Administración máis próxima, debemos estar sempre ao lado dos veciños que máis nos necesitan en determinados momentos da súa vida", trasladou o rexedor.

Ditas manifestacións realizounas na sede desta entidade na esquina das rúas Terra e Magdalena, onde foi recibido pola presidenta en Ferrol, Isabel Estevan.

Estes talleres, destinados 150 persoas, reforzan as áreas psicolóxica, física e social a través dun programa estruturado e personalizado de intervención de lecer e tempo libre, partindo de actividades formativas, recreativas e de benestar psicofísico.

"É fundamental que os pacientes e as súas familias atopen a axuda que precisan nesta etapa que teñen que afrontar xuntos, e aquí o conseguen con recursos que ofrece a AECC", trasladou o alcalde popular.

As actividades incluídas na iniciativa son diversas: na dimensión de benestar psicofísico, ofrécense clases de pilates e ioga; no ámbito formativo, impártense conferencias sobre nutrición, autocuidados e outros temas relevantes para os afectados; e, por último, na vertente lúdica, promóvense actividades que aumentan a interacción social e constrúen redes de apoio entre os participantes.

"Grazas á AECC por este importante traballo que levan a cabo, e neste camiño atoparán sempre a colaboración do Concello de Ferrol", incidiu o político.

Pola súa banda, Isabel Estevan lembrou que este acordo "facilita que podamos realizar todos os nosos labores, temos moitos servizos gratuítos e sen a axuda das institucións, como o Concello, serían imposibles de levar a cabo".

TENIS EN CADEIRA DE RODAS

A cidade de Ferrol acollerá este fin de semana, desde o venres ao domingo, a 24ª edición do Open nacional de tenis en cadeira de rodas, que se celebrará desde este venres, 30 de agosto, ata o domingo, 1 setembro, e na que competirán dezaseis tenistas

"Ferrol acolle unha nova edición desta importante competición a nivel nacional que concentrará a 16 deportistas", ha destallado o concelleiro de Deportes de Ferrol, Ricardo Aldrey (PP), segundo detallou na mañá deste martes no Concello, durante a presentación desta cita.

Fíxoo acompañado da vicepresidenta do Club ADM Ferrol, Paula Gárate, e de tesoureiro desta entidade, Francisco Javier Rodríguez do Río, organizadores do torneo, coa Real Federación Española de Tenis, e na que colabora o Concello de Ferrol.

Aldrey lembrou que con esta xa levan celebrando vinte e catro edicións o que "mostra a consolidación desta proba deportiva na urbe naval", que é puntuable para o campionato nacional de tenis en cadeira de rodas. Ademais, está integrado na Copa de España e é puntuable para este galardón que premia a regularidade de torneos nacionais.