A organización Arco Iris pide aos concellos que non dea licenzas para derrubar presas fluviais
Esta estratexia, denuncia Arco Iris, "agravará de forma severa os problemas de abastecemento e caudais mínimos en épocas de verán, ademais de aniquilar sen remedio hábitats que persisten grazas ao encoro durante o verán"
Por E.P. | SANTIAGO DE COMPOSTELA | 29/08/2024 | Actualizada ás 11:59
A organización ecoloxista Arco Iris insta os municipios a que se opoñan ás derribas de presas fluviais e "non concedan licenzas de obras para as demolicións" e a Augas de Galicia a "situarse a favor ou en contra" destes plans.
Segundo advirte, este tipo de obras de "restauración" poden formar parte de "a estratexia globalista de privatización da auga". A mesma, sostén, "ataca de forma sistemática o dereito ao uso público dun ben cada día máis escaso". A derriba de presas en España, engade, pode deberse a "unha medida máis para obter axudas europeas".
Esta estratexia, denuncia Arco Iris, "agravará de forma severa os problemas de abastecemento e caudais mínimos en épocas de verán, ademais de aniquilar sen remedio hábitats que persisten grazas ao encoro durante o verán". Ao mesmo tempo, indica que "moitas especies de anfibios desaparecerán sen remedio e a seca afectará gravemente os bosques de ribeira".
A organización ecoloxista lembra, ademais, que "57 obstáculos fluviais foron eliminados na Conca Miño-Sil desde a posta en marcha do plan de demolicións, en 2009" para alertar de que "o proceso de privatización da auga é xa imparable e en breve cotizará en bolsa, como outros recursos naturais".
