Condutora rescatada despois de quedar co seu turismo baixo un camión
Un particular alertou ás autoridades sobre o accidente, que mobilizou aos servizos de urxencia para liberar á muller atrapada.
Por Europa Press / Redacción | Santiago de Compostela | 30/08/2024 | Actualizada ás 11:09
Unha condutora tivo que ser excarcerada tras acabar debaixo dun camión co seu coche, segundo informa o servizo de emerxencias 112-Galicia no seu parte de incidencias. Un cuarto de hora despois do sete da mañá, un particular avisou dun accidente no quilómetro 1 da EP-9305, en Xil. Segundo indicou, un coche metésese debaixo do seu camión, cunha persoa atrapada no interior do turismo.
Con esta información, deuse aviso a Urxencias Sanitarias-061, aos Bombeiros de Ribadumia, ao GES de Sanxenxo e á Garda Civil de Tráfico. Tamén foron informados e desprazáronse ao momento os Bombeiros de Vilagarcía de Arousa, que axudaron aos de Ribadumia a liberar á muller ferida mediante o uso do material de excarceración. A persoa implicada, que se atopaba inconsciente, foi trasladada na ambulancia medicalizada de Urxencias Sanitarias.
