Crece a constitución de sociedades un 31,9% en xullo en Galicia, con 388 novas

A constitución de sociedades rexistrada en Galicia durante o mes de xullo creceu un 31,9% en taxa interanual, ata as 388 novas empresas, o terceiro dato máis alto do conxunto das autonomías, segundo os datos publicados este mércores polo Centro de Información Estatística do Notariado.

Delas, as sociedades cun capital social fundacional de entre 3.000 e 4.000 euros alcanzaron as 235 novas, o que supón un ascenso do 32,6% con respecto a xullo de 2023.

A nivel estatal, a constitución de sociedades creceu un 9,4% interanual, ata as 9.737 novas empresas. Delas, as que teñen un capital social fundacional de entre 3.000 e 4.000 euros alcanzaron as 7.044 novas sociedades.

Crecen o número de sociedades con autónomos que traballan na casa con ordenadores portátiles | Fonte: EP