Beiras deixa claro que Galicia está na vangarda do cambio

O principal referente ideolóxico de En Marea valora que no país "nunca a esquerda propiamente dita obtivera semellantes resultados". O voceiro de ANOVA apela a intelixencia de todas as forzas da esquerda para impedir que goberne o PP apoiado por Ciudadanos.

Con case o 90% escrutado: PPdeG 10, en Marea 6, PSdeG 6 e Ciudandanos, 1

Por Galicia Confidencial | | 20/12/2015 | Actualizada ás 23:01

Non é candidato, pero Xosé Manuel Beiras segue a ser o principal referente mediático e ideolóxico da chamada esquerda rupturista en Galicia. Beiras tamén foi un dos primeiros políticos en defender derrubar a división entre partidos de esquerdas . Os datos deste 20D veñen a darlle a razón, sobre todo en Galicia.

O veterano nacionalista mostrábase satifeito ao ser o primeiro en comparecer para valorar os importantes resultados de En Marea: a coalición do seu partido, Podemos, Esquerda Unida e as mareas en Galicia.

En Marea logra o segundo posto no país, con seis deputados. O político nacionalista destacou que esta unión de forzas de esquerda converteuse na máis votada en moitas cidades.

O case 25% dos votos para en Marea co 93% contado significan 4 puntos de vantaxe sobre o PSdeG. Unha hipotética coalición similar nas próximas eleccións galegas de 2016 tería opcións, polo tanto, de facerse coa presidencia da Xunta se conta co apoio ou o beneplácito do PSOE.

"Están rotos todos os clichés", asegurou. Beiras comparou os resultados de En Marea con outros logrados por Podemos en solitario noutras autonomías para concluír que "se isto [a unión de Podemos con outras forzas de esquerda] tivese acontencido en todo o Estado a derrota do PP sería aínda máis descomunal".

O voceiro parlamentar de Alternativa Galega de Esquerdas cre que en Galicia "estamos na vangarda" nun novo proceso constituínte en España. Para logralo, apelou a máis pactos e así logar a "quebra democrática". Na súa opinión, as novas Cortes deberían promulgar un novo marco legal no que "podamos exercer a soberanía e a libre decisión tanto os cidadáns individualmente en todo o estado como os pobos que o compoñen e Galicia".

"Depende da intelixencia de todos os demáis que se abra un novo goberno", adiantou. O político indicou que un hipotético pacto para impedir que Mariano Rajoy repita na Moncloa debe pasar, ademais de polo dereito a decidir de Galicia e outras nacións, pola fin das reformas en sanidade, educación e outras políticas de recortes do PP.

O voceiro de ANOVA foi despedido con aplausos e berros de "Hai Marea!", proba da ledicia que se respira na nova coalición. Obxectivo cumplido para eles, organizarán un grupo galego no Congreso. Está por decidir agora que papel xoga ese grupo na elección do próximo Presidente do Goberno de Estado. Elección que, visto os resultados globais, vai estar moi rifada.

Noticias relacionadas

Con case o 90% escrutado: PPdeG 10, en Marea 6, PSdeG 6 e Ciudandanos, 1

5 balbino

O primeiro que deberían facer a marea e ir a Santiago e dicirlle os do cerco que non vale a pena pasar frío, que se conformen coa pequena de cuota que teñen e que non protesten que co poder que teñen agora mesmo os vascos da man dos seus partidos nacionalistas(que van ser chave para calquer acordo) a ver si o seguinte reparto vai ser 99% pais vasco e 1% para o resto. Despois que vayan as explotación gandeiras e lle digan que o estado español non quere que se produza tanta leite en Galicia(que é a única causa de que se pague máis barato o noso leite). Que contento debe andar o gran Kichi tamén, ten ven seguro que cando teña que decidirse onde facer un barquiño o seu amigo coletas vai tirar pa Cádiz e non para Ferrol( Jorge tocará as palmas) ou Vigo.

1 Eleitornopapel

E sabiendo todo ISO que fai a UPG? Pois queimar todo brote de autoorganización. De pena. Desaparecede, idevos pa casa.

4 Galeguista

O nacionalismo galego mantén a representación: 2 deputados de Anova. A diferenza coa situación previa? Pois que estes 2 deputados van nunha comparsa de Podemos. Nas teles españolas suman con Podemos como Foro Asturias co PP. Moito ánimo para a Marea e para os representantes de Anova especialmente, espero que consigades moitas cousas boas para o país. Iso si, cando o Pablo Iglesias se gastar os votos vanse acabar, porque non dubidedes que os votos á Marea son votos a Podemos. E daquela, cando vexamos en que estado se atopa, veremos o grande erro que foi converter o nacionalismo nunha bandeira da esquerda española por obter poder a curto prazo

1 eusi

As tuas afirmacións visan culpabilizar a Anova do que pasa en Galiza: coma sempre culpando aos demais dos propios erros, pitoñeces, e miopias xenéticas incurábeis. A ver se aprendedes a facer autocritica e usades as poucas neuronas que vos quedan para algo contrutivo para Galiza, por exemplo desparecer para sempre, caxatos do PP!

2 Galeguista

Estou dicindo que a estratexia de Anova é errada, e máis nada. Eu non son de Nós, nin da Marea, nin do BNG e desta volta non votei por ningún dos dous. Esta mentalidade de se non "estás connosco estás contra min" é a quintaesencia do pensamento bloqueiro. A outro con eses contos.

3 Balbino_

Eses dous que comentan abaixo, non hai un bar aberto cerca da vosa casa? Hoxe podiades tomar algo, para esquecer. Gañou Galiza, perdedes vós. Non perdemos Nós, perdedes Vós. Estades a tempo de axudar para que a Xunta pase por fin a mans nacionais e de esquerda.

2 Trocomotxo

Eu non vexo Galiza por ningures. O que vexo é que 6 deputados galegos suman en podemos en calqueira gráfica que se consulte. Vexo partidos nacionalistas en Euskadi, Catalunya... Pero de Galiza non vexo ningún porque o que había perdeu a representación.

1 Galego coma tí Upegallo.

A túa Galiza ten 65000 habitantes. A de verdade son case 3 millóns. Menudas gilipolleces que soltades. Nos vós apropiedes dun país, quen vós credes?? Que máis necesitades??

2 alhambradomaroto

Sentidiño. Non ves Galicia porque a túa Galicia non existe máis q para ti e os q pensan coma ti.

3 balbino

Moi dacordo con alhambradomaroto, algúns vemos a Galicia como unha nación diferenciada do resto do estado cuns problemas propios e que ninguén de fora é quen de distinguir e resolver, polo que queremos ter voz e que non Nós mingunen. Pero estade tranquilos que xa o conseguistes acabastes có BNG, a voz da Galicia no congreso será o diputado de ciudadanos pola Coruña.

1 Miguel_Pousa

E estará satisfeito o cantante este, que deixou a nosa nación sen representación de seu nun intre en que todo cambiar, poñendo paos ademais nas rodas dos que si creen na capacidade deste país para liberarse. Debería ter dimitido hai tanto.