Tres feridos nun aparatoso accidente entre dous vehículos en Cee

Tres persoas resultaron feridas nun accidente entre dous vehículos rexistrado na tarde deste venres no municipio coruñés de Cee. Segundo informou o CIAE 112 Galicia, o sinistro produciuse ás 18,00 horas no quilómetro 85 da estrada AC-552.

Tras recibir a alerta de mans do sistema 'eCall' dun dos coches implicados, a central do 112 activou un dispositivo no que participaron Urxencias Sanitarias 061 e os bombeiros.

Desprazados ao lugar, os profesionais dos equipos de emerxencia empregaron equipos de excarceración para liberar aos ocupantes atrapados no interior dun dos vehículos. Unha vez fóra, os feridos, dúas mulleres e un home, foron atendidos polos profesionais do 061, que mobilizou o helicóptero con base en Santiago para que acudise ao lugar do accidente.

Veículo implicado nun accidente en Cee | Fonte: remitida