Retencións na AP-9 en dirección Santiago polas obras do viaduto de Portas
Os usuarios afectados lamentaron a falta de información, "non hai aviso das obras".
Por Europa Press / Redacción | Santiago de Compostela | 13/10/2024 | Actualizada ás 22:28
As obras de mellora do viaduto de Portas (Pontevedra) na AP-9 causan retencións de catro quilómetros en dirección Santiago ao estar só operativo un carril. Segundo informou a Dirección Xeral de Tráfico (DXT) a circulación é irregular desde o quilómetro 117 en Xagobe-Vilavedra ao quilómetro 113 en Rial, en sentido decreciente da kilometración.
Así, a conxestión na vía comezou sobre as 20.00 horas deste domingo e usuarios afectados, consultados por Europa Press, lamentaron que nos paneis informativos dirección Santiago "non hai aviso das obras".
O Ministerio de Transportes, detallou en setembro, que as obras ían prolongarse desde o 16 de setembro ao 31 de outubro en sentido Santiago e estará un carril permentemente cortado e en horario nocturno cortarán outro carril. Por iso, habilitarán un desvío á calzada contraria.
