Sufocado un incendio en Ferrol na zona na que residen integrantes do clan que protagonizou un altercado o xoves

Os bombeiros de Ferrol sufocaron un incendio que se iniciou sobre as 23.20 horas deste sábado na rúa Cedeira, no barrio de Recimil, en Ferrol, e máis concretamente no edificio no que residen integrantes do clan que protagonizou un altercado sobre as 22.45 horas do pasado xoves na Praza de España, que se saldou con dous feridos.

Segundo puido saber Europa Press, as chamas foron sufocadas e ao lugar desprazáronse un bo número de efectivos policiais, tanto da Policía Local de Ferrol como da Policía Nacional da comisaría de Ferrol-Narón. Fontes oficiais aseguraron que non pode determinar exactamente que sexa o domicilio de varios dos integrantes deste clan, moi coñecido en ámbitos xudiciais. O incendio foi sufocado sen maiores danos e acordoouse a zona á espera de que este luns acudan ao lugar axentes da Policial Nacional da sección científica para solicitar máis datos.