Riscos e avantaxas de investir no Forex

Este mercado é o apropiado para realizar investimentos rápidos e tamén potencialmente moi beneficiosos. Iso si, é imprescindíbel ter sempre clara unha das regras básicas de calquera investimento: non hai beneficio potencial elevado, sen un risco tamén elevado.

Do que se trata neste mercado é de sacar proveito as oscilacións do valor das diferentes divisas.  Por exemplo, o euro encareceuse no que levamos de día máis dun 2,7% fronte ao rubro cun cambio de 85,6543 por euro.

En teoría, a relación de valor entre dúas moedas debería depender sobre todo da relación entre os fluxos comerciais entre dous estados. Neste caso, estarían moi condicionadas polas sancións bilaterais ao fío do conflito ucraíno, sancións que se especula poden levantarse nos vindeiros meses.

Agora ben, o Forex -aproveitando o seu carácter descentralizado e as novas tecnoloxías- medrou tanto nos últimos anos, até mover máis de 5 billóns de dólares ao día de transaccións, que arestora eses fluxos non inciden tanto nas cotizacións. Polo contrario, é o movemento de activos financeiros (accións, etc.) o que determina en boa medida o comportamento deste mercado virtual.

Para investir no Forex cada vez existen máis ferramentas en liña. Agora ben, antes de lanzarse a operar nelas é recomendábel realizar algúns dos cursos de formación para comprender como funcionan estes mercados, cursos que a miúdo tamén están dispoñíbeis nas propias  plataformas. 

Asumido os riscos e recibida a formación, as oportunidades están aí, especialmente nestes tempos de cambios xeopolíticos internacionais complexos.