Colaboración entre Defensa e Medio Rural para a loita contra emerxencias forestais
Axentes galegos fórmanse en tácticas avanzadas de prevención e intervención nun programa exclusivo da Unidade Militar de Emerxencias.
Por E.P. | Santiago de Compostela | 07/12/2024 | Actualizada ás 11:39
Persoal do Servizo de Prevención e Defensa contra os Incendios Forestais (SPIF) da Consellería do Medio Rural participou nun curso de emerxencias para Oficiais e Suboficiais ofrecido polo Ministerio de Defensa.
A formación, explicou a Xunta nun comunicado, que se desenvolveu entre os meses de xullo e novembro contou coa presenza de dous axentes ambientais da Dirección Xeral de Defensa do Monte.
O curso, impartido pola Unidade Militar de Emerxencias (UME), dispuxo dun total de 104 prazas destinadas para membros das forzas armadas e para os corpos de seguridade o Estado, das cales 10 foron destinadas para persoal de organismos e entidades civís relacionadas con emerxencias, sendo dúas as ocupadas polo persoal do SPIF.
A formación constou de 625 horas lectivas divididas en tres fases. A primeira centrouse na teleformación e as dous seguintes impartíronse de forma presencial, primeiro na base de León da UME e a segunda na Academia de Infantaría de Toledo.
