Desaloxados 50 traballadores dunha nave na Pobra do Caramiñal por un incendio nunha carpa

Un incendio nunha carpa na Pobra do Caramiñal provocou o desaloxo, por precaución, de 50 traballadores dunha nave que estaba á beira. O suceso saldouse sen feridos. Segundo informou o 112 Galicia, foi sobre as 04.20 horas deste sábado cando varios particulares informaban dun incendio nunha carpa anexa a unha nave do Polígono Industrial da Tomada.

Ata o punto mobilizáronse os Bombeiros de Ribeira e de Boiro, a Garda Civil e os efectivos de Protección Civil da localidade. Tras as tarefas de extinción, os servizos de emerxencias confirmaron que só ardeu o material que se atopaba na carpa, sen que a nave principal nin a de á beira sufrisen danos.

Bombeiros da Coruña | Fonte: Facebook Bombeiros da Coruña