Nace en Pontevedra o Movemento pola Defensa das Pensións Públicas
Tentará axudar aos parados de longa duración e aos xubilados e ten vocación de estenderse a outras partes do Estado.
Por Galicia Confidencial | Pontevedra | 07/06/2016 | Actualizada ás 10:00
O Parador de Pontevedra acolleu este luns a presentación do Movemento Galego pola Defensa dás Pensións Públicas (Modepen), integrado por un centenar de persoas de distintas localidades da provincia pontevedresa.
Os seus voceiros, Manuel Alfonsín González, José Luis Calvo, Modesto Souto e Vitoria Portas, explicaron que o seu obxectivo é que esta iniciativa se estenda por todo o Estado, en colaboración con outras plataformas que tamén están a alertar sobre a situación actual.
Para Modepen as decisións do goberno están a prexudicar aos parados de longa duración e aos xubilados, aos que está a facer perder o seu "nivel de vida". Fronte a iso, di que existen outras fórmulas que evitan os recortes nestes conceptos.
