Manuel Seijo, gañador do concurso de GC dunha fin de semana nun hotel rural de Chaves

Manuel Seijo, un dos despedidos no ERE da fábrica de armas da Coruña en 2013, foi, finalmente, o gañador da estancia de fin de semana para dúas persoas no Hotel Casa Grande Seixo, un establecemento de Turismo Rural de Chaves.

Xoán Mao, secretario xeral do Eixo Atlántico; o lector do GC, Manuel Seijo, o director do GC, Xurxo Salgado e a xerente de Turismo da Coruña, Covadonga Calatayud, durante a entrega simbólica do premio do concurso sobre a historia da Gallaecia | Fonte: Patricia G. Fraga

El, xunto con outros moitos lectores de GC, participaron nun concurso realizado a través das conta de Twitter e Facebook do GC sobre a historia da Gallaecia. Os participantes neste concurso debían adiviñar as respostas as sete preguntas que este medio fixo durante unha semana. Finalmente, dos participantes que conseguiron acertar todo, foi seleccionado Manuel Seijo.

Este lector participou este mércores na Coruña na entrega simbólica do premio en compaña do director de GC, Xurxo Salgado, o secretario xeral do Eixo Atlántico, Xoán Mao, a xerente de Turismo da Coruña, Lanzada Calatayud, e representantes da cidade de Chaves.  O acto tivo lugar no museo sobre os mundo da comunicación de El Ideal Gallego, na Coruña.

Manuel Seijo poderá gozar da fin de semana, con almorzo incluído, no Hotel Casa Grande Seixo, moi preto da cidade de Chaves. Esta estancia está ofrecida pola AECT Eurocidade Chaves-Verín en colaboración con Galicia Confidencial.

Manuel Ferreiro, director de El Ideal Gallego, amosa a copia dun dos incunables da colección do Grupo La Capital no museo da comunicación que hai na sede do xornal | Fonte: Patrica G. Fraga