A Deputación de A Coruña denuncia o "uso partidista" do Dolmen de Dombate por parte do alcalde de Cabana

O deputado responsable da área de Patrimonio e Contratación da Deputación de A Coruña, Xesús Soto (BNG), denunciou o "uso partidista" do Dolmen de Dombate por parte do alcalde de Cabana de Bergantiños, José Muíño, do PP.

Nun comunicado, o deputado lamenta o uso que, ao seu xuízo, fixo o alcalde deste monumento "para un acto do que a Deputación, titular do Dolmen, non tiña coñecemento".

En concreto, o deputado da área de Patrimonio precisa que se dirixiu persoalmente ao alcalde para manifestar "o malestar por parte da Deputación de A Coruña por organizar o pasado sábado, 20 de agosto, a entrega de premios do concurso Autovía Costa da Morte, Camiño de Futuro.

O deputado Xesús Souto cualifica o acto de "electoralista". "Con cargos do PP coa desculpa da entrega duns premios", engade. Ademais, lamenta que o rexedor convocará "un acto claramente propagandístico nas dependencias do Dolmen de Dombate, un ben patrimonial que non pode ser usado con fins distintos aos da promoción cultural e turística", sinala.