A Cátedra Inditex-UDC de Responsabilidade Social abre o prazo dun curso en innovación social

A Cátedra Inditex-Universidade da Coruña (UDC), abriu o prazo de preinscrición para o seu curso de especialización en responsabilidade e innovación social, segundo informa.

Os interesados en acceder a este título propio de postgrao, impartido pola Universidade da Coruña, poderán presentar a correspondente solicitude de preinscrición entre o 1 de setembro e o 15 de outubro a través da páxina web da cátedra.

Na súa sexta edición, o curso incorporará "contidos especificamente dirixidos a todos aqueles profesionais con interese en afondar e desenvolver a súa carreira profesional en ámbitos vinculados á responsabilidade, a innovación e o emprendimiento social".

O programa, contará coa participación de máis dunha trintena de especialistas vinculados a empresas, institucións académicas, entidades non lucrativas e administracións públicas.