O Hospital Povisa pon en marcha un terceiro ximnasio de rehabilitación

O Hospital Povisa de Vigo informou este sábado da posta en marcha dun terceiro ximnasio de rehabilitación na planta cuarta do hospital.

Segundo explicou a entidade, a localización deste novo ximnasio reduce os desprazamentos dos pacientes ingresados e con mobilidade reducida ata o ximnasio da entreplanta, que agora queda destinado ao uso exclusivo de pacientes ambulatorios.

"O ximnasio novo situouse na planta cuarta porque é onde ingresan os pacientes de Traumatología", subliñaron desde Povisa, á vez que precisaron que estes son os principais usuarios das novas instalacións, aínda que tamén as utilizan pacientes que foron sometidos a cirurxías, pacientes con patoloxías neurolóxicas, encamamentos prolongados e outras afeccións que requiran rehabilitación.

Ademais, nas próximas semanas está previsto ampliar o horario de fisioterapia para pacientes ingresados as fins de semana, polo que o ximnasio estará operativo 365 días ao ano.