Povisa é o primeiro hospital de Europa en incorporar o modelo de TAC máis avanzado de Siemens

O Hospital Povisa de Vigo foi o primeiro centro hospitalario de Europa en adquirir o modelo de TAC máis avanzado de Siemens, que, unha vez que empezo a funcionar o vindeiro luns, día 5, permitirá incrementar a resolución das imaxes e someter a cada paciente á radiación máis baixa posible.

Segundo informou o hospital vigués, técnicos de Siemens e persoal da dirección técnica, mantemento e protección radiológica de Povisa, comezaron este mércores os traballos de instalación e axustes deste novo sistema, o Somatom Sensation Go Up, que foi presentado mundialmente hai dous meses.

Este novo TAC de 32 cortes substituirá ao actual de 16 cortes, instalado en 2002, e achegará unha maior precisión e celeridade nas probas, incrementará substancialmente a resolución das imaxes --especialmente en pulmóns, colon e estruturas óseas-- e fará un cálculo automático da radiación máis baixa posible en función da estatura e a anatomía do paciente.

O novo sistema conta tamén cun software de última xeración que reduce o ruído das imaxes; e cun hardware de control integrado na súa estrutura en lugar de en unha sala externa, como ocorre con equipos máis antigos, o que obrigou a reformar a sala de exploración, a súa iluminación e climatización.