Cazadores lamentan a "terrible" vaga de incendios na que está detrás "a man do home"

A Oficina Nacional da Caza, a Conservación e o Desenvolvemento Rural (ONC) lamentou que na "terrible" vaga de incendios que afecta a Galicia está detrás "a man do home", segundo informou a organización a través dun comunicado.

A ONC mostrou "todo o seu apoio e solidariedade" a Galicia e espera que "canto antes" se logre controlar a situación e que as investigacións permitan identificar os culpables, de forma que "caia sobre eles todo o peso da lei".

"É incrible que a día de hoxe aínda siga habendo persoas capaces de provocar este dano por intereses bastardos e miserables", sinalou o presidente da ONC, Santiago Iturmendi.