O Parlamento de Galicia garda un minuto de silencio polas vítimas da vaga de incendios

O Parlamento de Galicia gardou este luns un minuto de silencio en memoria das persoas que perderon a vida durante a vaga de incendios que está a arrasar a comunidade.

No acto, que tivo lugar pasadas as 12,30 horas nas escaleiras exteriores do Pazo do Hórreo, déronse cita deputados dos catro grupos, a valedora do Pobo e numeroso persoal da Cámara.

O minuto de silencio, que estivo presidido polo xefe do Lexislativo galego, Miguel Santalices, concluíu cun aplauso colectivo.