A Xunta rebaixa o seguimento da folga na xustiza este mércores ao 40,57%

O Goberno galego rebaixou o seguimento da folga convocada na Administración de xustiza este mércores, sexta xornada efectiva da folga, ao 40,57 por cento.

Nun comunicado, o Goberno galego constatou que foron 947 persoas dun total de 2.334, xa que hai que restar os datos da cidade de Pontevedra, onde é festivo. Os servizos mínimos, remarca a Xunta, están a cumprirse "na súa totalidade".

Por provincias, o seguimento da folga na Coruña foi do 40,21 por cento; en Lugo, do 33,8 por cento; en Ourense, do 40,15 por cento; e en Pontevedra, do 44,36 por cento.

No cálculo destes datos, a Xunta remarca que 129 funcionarios non acudiron ao traballo por ausencia justificada (vacacións, asuntos particulares ou días de libranza) e 775 cumpriron servizos mínimos.

Das contas foron excluídos os traballadores da cidade de Pontevedra, onde este mércores é festivo local.

MANTÉN OFÉRTAA

A Xunta mostrou o seu respecto ao exercicio do dereito a folga dos traballadores de xustiza, pero apela á súa responsabilidade para non prexudicar á cidadanía.

A Administración autonómica remarcou que mantén a súa disposición a dialogar e incide en que, así se demostrou, nas 11 reunións que se produciron cos sindicatos até agora e que permitiron alcanzar acordos en tres do cinco puntos da negociación.

Do mesmo xeito, subliñou que mantén a oferta dun novo incremento no complemento adicional de entre 816 e 1.080 euros.