Temas: MARTIñO NORIEGA RAJOY

Martiño Noriega, sobre a moción de censura contra Rajoy: "Non queda outra, isto é insustentable"

O alcalde de Santiago tamén lle pide ao presidente da Xunta que se preocupe de cousas máis importantes que os accesos á intermodal na capital galega.

Por E.P. | SANTIAGO DE COMPOSTELA | 25/05/2018 | Actualizada ás 15:32

O alcalde de Santiago, Martiño Noriega, tachou de "insostible" a situación política do Goberno de Mariano Rajoy após a sentenza do caso Gürtel e dixo "confiar" na formación dunha maioría alternativa nunha moción de censura que desbanque ao actual Executivo.

A preguntas dos medios nunha rolda de prensa, o rexedor local instou ao presidente da Xunta, Alberto Núñez Feijóo, a "ocuparse" de "asuntos máis importantes" que o proceso de licitación dos accesos á intermodal: "Debería preocuparse de que é o presidente do noso país representando a un partido condenado por corrupción".

Neste sentido, Noriega asegurou que a sentenza dada a coñecer este xoves, que condena, entre outros, ao que fose secretario de Organización do PPdeG Pablo Crespo a 37 anos e medio, e ao propio partido a pagar unha multa de 245.000 euros, marca "un antes e un despois" nas administracións públicas.

"Desde un punto de vista de hixiene democrática, creo que a situación institucional vai cambiar porque é insostible. Ningún Estado de Europa sostería esta situación, porque é de vergoña", expresou.

Así, o alcalde pediu que, se o Goberno de Rajoy "non asume responsabilidades", se constrúa unha alternativa política "por iniciativa doutros partidos". "Non queda outra, isto é insostible", sentenciou.

Ademais, ante o rexistro no Congreso dunha moción de censura por parte do PSOE contra o actual Executivo, e despois do apoio demostrado polo grupo confederal Unidos Podemos, que inclúe a En Marea, demandou a "outras" formacións políticas que, "se non queren construír maiorías alternativas, se retraten e digan se isto é sostible".

E é que, para Noriega, a sentenza coñecida este xoves demostra "cousas gravísimas" como o financiamento ilegal do PP: "Non se pode falar de casos illados cando o problema está no tronco".

Temas: MARTIñO NORIEGA RAJOY

3 Vaia

N galego, pois non sei se depende dos concellos pero a min, despois de negarme, pasáronme cables pola miña fachada e a única solución que me deron no concello (non é o de Santiago) e na compañía electrica é que presentase unha denuncia pero que primeiro está o interese xeral. Dúbido que lle corresponda o soterramento aos concellos, pero se fose así, o meu por exemplo non tería capacidade de facelo.

1 n galego

Aos concellos corresponde a normativa non os gastos. As compañías están afeitas a facer o que lles dá a gana e ameazan con deixarte sen tf ou outras cousas pero o gasto das obras debe recaer nelas. Claro que che mandan denunciar para que non o fagas pero nestes casos sempre perden por iso ameazan con deixarte sen luz.Onde está o interese xeral en poñer os cabos na túa casa se poden poñelos en poste ou soterrados na beirarúa? O que lles sae é moito máis barato. Descoñezo nos edificios onde hai pisos e comunidade de propietarios.

2 comunista independentista

Martiño Presidente da Galiza independente!

1 Pondaliao

Martiño arranxa a rúa dos Concheiros e quita os cables que colgan de todas as rúas de Compostela.

1 Vaia

Unha pregunta, soterrar os cables que colgan de todas as vilas e cidades e pobos e aldeas de galicia, é competencia municipal?

2 n galego

Vaia. Si, efectivamente, soterrar os cabos e/ou eliminalos depende exclusivamente dos concellos. Que todo ese mazacote de cabos que pon telefónica grampados á fachada da túa casa é competencia municipal. É máis, podes negarte a título individual se é casa unifamiliar pois necesitan o teu consentimento.