Confirman que o crime da muller da Coruña foi un novo caso de violencia machista

A Delegación do Goberno para a Violencia de Xénero confirmou como un caso de violencia machista o crime dunha muller de 57 anos de idade que a tarde do mércores foi degolada polo seu marido nun inmoble da rúa da Estrella, na cidade da Coruña.

Os axentes activaron desde un primeiro momento o protocolo por crime machista, pero a verificación estaba pendente de ratificar, un extremo que se produciu este mediodía. O delegado do Goberno en Galicia, Javier Losada, convocou unha concentración para este venres ás 10,15 horas ás portas da Delegación para "seguir concienciando á sociedade" contra a violencia machista.