Acto vandálico na fachada de Praterías da Catedral de Santiago

Unha escultura situada na fachada románica de Praterías da Catedral de Santiago de Compostela sufriu un acto vandálico cunha pintada. Así, esta figura amenceu este luns coa palabra Kiss escrita en azul e uns bigotes pintados a emulación dun dos membros deste grupo de rock.

Todo iso, mentres a Catedral de Santiago acumula anos de diversas obras de restauración. Recentemente retiráronse as estadas da fachada da Praza do Obradoiro e abríronse ao público de novo as visitas ao Pórtico da Gloria.