Pepe Blanco suxire modificacións na Lei e investigar a orixe da fortuna dos Franco

O eurodeputado do PSOE José Blanco, que foi 'número dous' do partido na etapa de José Luís Rodríguez Zapatero, propuxo modificar a Lei de Memoria Histórica para que se investigue a orixe da fortuna da familia Franco.

Ante a pretensión dos descendentes do ditador de reclamar explicacións ao Goberno pola exhumación do Val dos Caídos, o exministro socialista propón aproveitar a reforma da Lei de Memoria Histórica para actuar contra a familia.

"Sorprende escoitar á familia Franco pedir explicacións pola decisión de exhumar ao ditador do Val dos Caídos, en lugar de dalas sobre a orixe da súa fortuna --escribiu na rede social Twitter--. Debería introducirse unha emenda á Lei de Memoria para investigalo? Eu creo que si".