Temas: ESCOCIA ESPAñOL XUíZO FISCALíA PRISIóN MALVERSACIóN CATALUñA SOLIDARIEDADE DELITO BNG FRANQUISMO ORIOL JUNQUERAS ANA PONTóN

O BNG convida a "quitarlles a máscara de demócratas aos 'Salvinis' e 'Bolsonaros' españois": "Hainos, e moitos"

Ana Pontón critica que é "a dereita xudicial" do Estado a que pon "o marco de actuación" cos presos cataláns

Por Europa Press / Redacción | SANTIAGO DE COMPOSTELA | 03/11/2018 | Actualizada ás 12:18

A portavoz nacional do BNG, Ana Pontón, pide "plantarlle cara á ofensiva política, social e mediática" do "neofranquismo", á vez que convida a "quitarlles a máscara de demócratas aos 'Salvinis' e 'Bolsonaros' españois". "Hainos, e moitos", sentenza.

E é que, en declaracións aos medios, a líder nacionalista critica que é "a dereita xudicial" do Estado español a que decide cal é "o marco de actuación" cos presos cataláns. Respecto diso, afirma que "a esquerda ten moito que reflexionar", xa que --prosegue-- o Estado español sofre actualmente unha "deriva antidemocrática".

Todo iso maniféstao Pontón antes de reunirse o luns co exvicepresidente da Generalitat de Cataluña, Oriol Junqueras, para quen Fiscalía solicita 25 anos de prisión por un delito de rebelión agravada por malversación de caudais públicos pola súa presunta participación no proceso independentista.

"Resistímonos a crer que alguén pode considerar normal vivir nun Estado no que se está perseguindo, encarcerando ou exiliando a políticos, sindicalistas, activistas e tuiteiros ao mesmo tempo que permite que se faga apología de franquismo nos medios de comunicación, ataques de odio contra a diversidade lingüística e mesmo algúns dos que roubaron cos seus cargos políticos seguen impunemente nas rúas sen que ninguén faga absolutamente nada", esgrime.

UN XUÍZO "SEN GARANTÍAS"

E é que, ao seu xuízo, "ningún demócrata pode permanecer pasivo (...) cando hai persoas que están na cadea e ás que se lles está cociñando un xuízo que non ten garantías só porque quixeron pór urnas na rúa para que a xente votase".

"Nós, como demócratas e galegos de nación, cremos que é importante activar a solidariedade, e imos facelo por moito que tenten criminalizar este feito, porque estamos convencidos de que estamos a facer o correcto tanto desde un punto de vista humano, como desde un punto de vista político", manifesta.

Así, a portavoz nacional do Bloque lembra que existen "exemplos de como debates políticos se poden solucionar con diálogo": "Vímolo en Escocia, vímolo tamén en Quebec, ímolo a ver de novo coas Illas Feroe".

Temas: ESCOCIA ESPAñOL XUíZO FISCALíA PRISIóN MALVERSACIóN CATALUñA SOLIDARIEDADE DELITO BNG FRANQUISMO ORIOL JUNQUERAS ANA PONTóN

6 Chico Percebe

Tamén debería quitárlle-la aos nazionalistas - comunistas vellofascistas....Non! Iso suporía que ela e máis os grupos da súa corda se presentaran ante os cidadáns a cara descuberta

5 Bernal Calvo Delaciga

Poltrona non se preocupa pola proliferación de populistas neofascistas pensando no pobo galego, preocúpase pensando na súa vida privilexiada de liberada eterna e na súa caste de burócratas coa que dirixen a forza sipaia de Galiza, o partido-negocio chamado BNG. O benestar do pobo non é o importante, o importante é o postiño.

4 Amoxegador42

A mim, que em Madrid haja um Bourbon ou um presidente da república que se chame José Maria Aznar ou Felipe González dá-me igual. Isso vai mudar alguma coisa para Galiza?. Os galegos e galegas veriamo-nos na tesitura de votar un candidato/a espanhol ou a abstençom

1 cazarraposas

Pobre argumento, sabendo que @s galeg@s de xeito aplastante e até esmagador escollerían para presidente a Mariano Rajoy, pois de sentimento galego non hai nin o 15% (no povo, que no escollido é zero!). Polo tanto @s galeg@s somos domésticos! E desde esa óptica a servil Ana Pontón agáchase ante o Borbón, monarquía hereditaria que Franco deixou atada o 22 de xullo de 1969, moi orgulloso de reprimir ao povo catalán, e que representa a santa unidade indisoluble e forzada de España pola graza do seu deus (con santuario nunha cámara acourazada da Suiza), e faino diante do amo da prensa colonialista. E a ti e aos que mirades para outro lado, estupendos colaboracionistas do beneguai co españolismo, iso non vos incómoda. Hai tragadeiras!

3 comunista independentista

Que hipócrita pode chegar a ser. A estratexia isolacionista do Bloque consiste en dividir a esquerda (todos 'españois' e 'españolistas' según eles) e atacar con toda a súa artillería as iniciativas da unidade popular: Anova, AGE, mareas municipalistas... Unha estratexia ben pagada por España e premiada por La Voz, a quen renden pleitesía. Os salvinis e bolsonaros de aquí están ben agradecidos a Pontón & cía. Uns sipaios colaboracionistas.

1 lóstrego

Quinta columnista

2 Fran do Covelo

Ana, que falabarata! Acaso entre os neofranquistas non está o herdeiro da coroa por ditado de Franco ante o que ti te axeonllas! E non é La Voz o soporte mediático que espalla españolismo, odio contra o diferente (cataláns ou galegos non sometidos), desinformación ao servizo da dereita corrupta? Logo, Ana, ti es parte do fedor que acompaña ao neofascismo! Todo para seguir ben asentada como político profesional até a xubilación dourada!

1 nostrus

Fran do Covelo, ti tamén entras no lote dos que lle hai que quitar a máscara de demócratas. O Rei de hoxe é producto da vontade sonerana do pobo español relexada nas furnas no 78 e no que se atopa o pobo galego, pero, ao teu parecer, o pobo español non é quen de decidir que modo de xefatura de estado desexa. Non respetas un referendum de verdade no 78, pero aceptas a parodia do 1-O. Noxo do nacionalismo e o seu neofeixismo.