Uns ladróns agardan a que remate unha misa para asaltar ao cura

A Policía de Viveiro busca aos tres encapuchados que asaltaron na tarde noite do venres ao cura da parroquia de Vieiro, situada en Viveiro (Lugo). Os asaltantes, logo de amordazar ao párroco e atalo a unha cadeira, roubaron 1.000 euros da casa reitoral.

O suceso tivo lugar ao redor das 19,30 horas do venres. Segundo fontes da investigación, os asaltantes esperaron a que concluíse a misa que o párroco oficiaba na igrexa de Vieiro.

A continuación, amordazaron ao cura con cinta adhesiva e amarrárono a unha cadeira na habitación da casa reitoral, que se atopa nas inmediacións do templo. Alí, os asaltatantes rexistraron as estancias da vivenda e levaron un sobre que contiña no seu interior 1.000 euros.

A Policía de Viveiro atópase nestes momentos investigando para dar coa identidade dos encapuchados.