A Mariña terá este venres aviso amarelo por fortes ventos superiores ao 80 km/h
Unha profunda borrasa entra en Galicia este venres.
Por E.P. | SANTIAGO DE COMPOSTELA | 07/02/2019 | Actualizada ás 10:19
A Mariña luguesa terá este venres a partir do mediodía aviso amarelo por ventos fortes con refachos superiores que poden superar os 80 quilómetros por hora.
Segundo o Boletín de tempo meteorolóxico con avisos publicado por Meteogalicia, recollido por Europa Press, unha profunda borrasca deixará este venres fortes ventos en puntos do litoral e zonas altas do interior.
Deste xeito, entre as 12,00 e as 18,00 horas deste venres estará activado o aviso amarelo por refachos máximos de vento superiores aos 80 quilómetros por hora na Mariña. Ademais, por vento no mar a partir das 9,00 horas haberá aviso amarelo no noroeste da Coruña por vento do suroeste, forza 7, especialmente entre Ferrol e Bares.
Así mesmo, entre as 9,00 e as 21,00 horas deste venres tamén o aviso será amarelo na Costa da Morte por vento no mar do suroeste, forza 7.
