Milleiros de mozos toman as rúas de Galicia pola "emerxencia climática"

Milleiros de mozos tomaron as rúas das principais urbes de Galicia na tarde deste venres para clamar contra a "emerxencia climática", en multitudinarias manifestacións convocada polo Movemento Galego polo Clima.

Nas protestas escoitáronse lemas como "Planeta, escoita, somos a túa loita", nun ambiente reivindicativo, aínda que tamén con parte festiva.

As convocatorias tiveron lugar na Coruña, Ferrol, Lalín, Lugo, Ourense, Pontevedra, Ribadeo, Santiago de Compostela, Vigo e Vilagarcía de Arousa.

Os manifestantes reclaman un freo ao cambio climático.