A Feijóo reconfórtao que Oriol Junqueras siga en prisión

Oriol Junqueras non sairá de prisión para asumir o seu cargo coma eurodiputado. O presidente da Xunta, Alberto Núñez Feijóo, valorou este xoves a decisión do Tribunal Supremo (TS) en relación a que o exvicepresidente da Generalitat e líder de ERC Oriol Junqueras siga en prisión. Ademais, o mesmo TS inhabilítalle como eurodeputado e determinar que non pedirá suplicatorio ao Europarlamento. A eurocámara pretendía que o líder de ERC tomara posesión do seu cargo o luns.

"Paréceme unha decisión valente e consecuente", dixo Feijóo, ao termo da reunión semanal do seu Goberno e antes de remarcar que o Supremo, no ámbito xurídico, é o órgano de "maior xurisdición", excluíndo ao Tribunal Constitucional, que hai en España. Junqueras aferrábase á idea da inmunidade parlamentaria, por seren elexido eurodiputado en xuño de 2017.

Por iso, no plano xurídico, remarcou que "acata a sentenza". "E a nivel político, este tipo de decisións me reconfortan coa política na que creo", apostilou. Non en balde, advertiu que, baixo o seu punto de vista, "non pode haber privilexios para os políticos". Así, reafirmouse en que o fallo é "bo para a política e para a convivencia" en España, xa que demostra que a lei se aplica no país de igual maneira para os políticos e o resto de cidadáns.

Con todo, o presidente da Generalitat catalana, Quim Torra denuncia que "un tribunal español non acate a xustiza europea". "Crece a preocupación en europa pola degradación do Estado español" alertou o substituto de Puigdemont tras o acontecido. O propio expresidente da Generalitat, Carles Puigdemont, calificou a situación de "erro gravísimo".

REACCIÓN DO BNG

"É inaceptable que o Supremo non asuma a sentenza do Tribunal de Xustiza da UE", subliña Miranda, un fallo que "considera que unha persoa elixida ao Parlamento Europeo adquire a condición de membro da devandita institución desde a proclamación oficial dos resultados", coa consecuente "inmunidade aparellada".

Esta decisión do TS, subliña, "pon de manifesto a grave situación de carencia de valores democráticos pola que atravesan algunhas institucións do Estado español", explica Ana Miranda, que considera que, con esta decisión, "vulnéranse gravemente os dereitos de Junqueras".

A portavoz do BNG criticou tamén que o Supremo decida sobre a medida cautelar solicitada "sen analizar se o acordo da Xunta Electoral Central axústase a dereito". "Como é posible que tomen unha decisión sen estudar previamente se é legal a medida que orixina esta petición?", resume.