Un grupo de skaters de Santiago decide patinar na casa para "levar mellor" o confinamento

Non, non teñen veciños, "vivimos nun baixo", comenta Nahikari Pérez ao preguntarlle sobre que opinan na súa comunidade sobre o "skatepark" que montan todos os días na súa cociña. Este grupo de skaters formado en Santiago de Compostela plantexouse patinar cada día da cuarentena na casa e subir a Instagram un "vídeo con 3 trucos de cada un acompañado co hastag #YoPatinoEnCasa", explica Javier Saavedra.

Esta iniciativa xurdiu "ante as gañas que temos sempre de patinar. No garaxe tiñamos o problema no ruido e na casa con rodas blandas e cunha alfombra damos resolto", explica Saavedra. Ademais, poñense retos e cada día fan módulos e trucos diferentes co patín.

Javier Saavedra é profesor de educación física, Nahikari Pérez artista multidisciplinar e Pedro Morales profesor de skate para nenos. Os tres coinciden na importancia de ter a mente ocupada nestes días de confinamento, "o importante é pasalo ben", subliñan. "O bo do patín e que sempre podes facer algo. Nahikari encontrou xusto o día antes da cuarentena unha porta tirada na rúa e xa tivemos o material para facer módulos",  relata Saavedra e engade "todo isto consume gran parte do tempo do día".

Aínda así, lamentan a dificultade de moverse co skate nun espazo tan pequeno. Están limitados na cantidade de movementos que poden realizar dentro da casa. Evidentemte, a lámpara ou os mobles dificultan as maniobras, "Pedro co ombro sacou unha porta, pero xa está arranxada" conta Javier. Pese a este contratempo, aseguran que "seguimos motivados para seguir así toda a cuarentena".

A xente que está na casa sen facer nada, "deben facer algo. Aínda que sexa algo máis creativo e menos físico", destaca Nahikari sobre o tema e manifesta que "tras subir o que facemos nós ás redes, moitos colegas faláronme dicindo que lles motivamos a facer cousas na casa".

 

 

 

 

Ver esta publicación en Instagram

 

 

 

 

 

 

 

 

 

"En breves patinaremos por la calle, no se hagan daño mientras!" @silvirula nos anima y manda un truco hoy mientras le damos cera al planosofa!!! @fromoza @nhkr_aiai @lepetitpetermurcia #yopatinoencasa12 Music: "1991"_justicia #yopatinoencasa #nosotrospatinamosencasa #skateathome #skateinside #stayhome #pandemiaallday #skateboarding #farolencasa #clipsdailyhome #shotskatehome #confusionisolation #skateboardingisfun

Una publicación compartida de Nosotrospatinamosencasa (@noso3patinamosencasa) el

30 Mar, 2020 a las 12:49 PDT