Cinco novas mortes fan que Galicia supere os 400 falecidos
Este mércores comunicáronse 16 mortes, once en hospitais e cinco en residencias, o que supón un incremente respecto das 14 do martes e o nove do luns.
Por Europa Press / Redacción | SANTIAGO DE COMPOSTELA | 15/04/2020 | Actualizada ás 21:09
Cinco falecidos nas últimas horas en hospitais elevan as mortes en Galicia por coronavirus a un total de 402 --310 en hospitais e 92 en residencias--, segundo os datos da Consellería de Sanidade deste mércores.
En concreto, o cinco falecidos son: unha muller de 66 anos --sen patoloxías previas-- e un home de 73 anos, ambos os ingresados no hospital da Coruña (Chuac); unha muller de 84 anos, que estaba no hospital Virxe da Xunqueira, en Cee; un home de 75 anos, ingresado en Lugo (HULA); e unha muller de 93 anos en Ourense (CHUO).
De tal forma, este mércores comunicáronse 16 mortes --11 en hospitais e cinco en residencias--, o que supón un incremente respecto das 14 do martes e o nove do luns. Supoñen a mesma cifra que o pasado domingo (16), aínda que está por baixo do venres e sábado, 21 en ambos os casos.
Os outros seis falecidos este mércores en hospitais son: dous homes de 66 e 76 anos de idade, e unha muller de 88 anos, que estaban ingresados no Complexo Hospitalario Universitario da Coruña (CHUAC); un home de 75 anos ingresado no Complexo Hospitalario de Ourense (CHUO); un home de 82 anos ingresado no hospital vigués Povisa; e unha muller de 82 anos de idade, ingresada no Complexo Hospitalario Universitario de Santiago (CHUS).
Así, rexistráronse 93 falecidos en hospitais da área sanitaria da Coruña, 63 na área de Vigo, 59 mortes na área de Ourense, 42 falecidos na área sanitaria de Santiago, 20 en Ferrol, outros 21 en Lugo e 12 falecidos na área de Pontevedra.
FALECIDOS EN RESIDENCIAS
A esta cifra hai que sumar os 92 falecidos en residencias de maiores desde que se iniciou a pandemia. Deste colectivo, as últimas mortes notificadas este mércores --van cun día de atraso-- son os 2 usuarios do centro DomusVi San Lázaro, de Santiago de Compostela; un da residencia DomusVi de Cangas; outro da residencia DomusVi Matogrande (A Coruña); e outro na residencia de Foz (Lugo).
Desde o inicio da pandemia, morreron 20 maiores dentro do centro DomusVi de San Lázaro, 18 no DomusVi de Cangas, outros 18 na residencia A nosa Señora da Esperanza, 10 na DomusVi do barrio vigués de Barreiro, e tres na residencia Moledo (Vigo).
Tamén se produciron 7 no Portazgo (A Coruña), un no Fogar Bellolar, outro na residencia de Castro Caldelas, un máis en Remanso Claudina-Somoza (A Coruña), 3 na DomusVi Matogrande (A Coruña), un na Caser A Zapateira (Culleredo), un en San Carlos de Celanova, dous na residencia Divino Mestre (Ourense), un na residencia San Pedro de Crecente, dúas nas Fragas de Pontedeume, un na residencia de Bande, un na de Foz e outro na nosa Señora de Fátima (Barco de Valdeorras).
