Primeira vítima da Covid en Galicia tras dous meses de tregua
Trátase dunha muller de 91 anos relacionada co foco de Vilar de Barrio.
Por Europa Press / Redacción | OURENSE | 07/08/2020 | Actualizada ás 23:08
Unha muller de 91 anos que estaba ingresada no Complexo Hospitalario Universitario de Ourense (CHUO) e que fora diagnosticada por coronavirus faleceu na tarde deste venres, segundo informou a Consellería de Sanidade.
O desta muller, que presentaba patoloxías previas, correspóndese co primeiro caso positivo relacionado co brote de Vilar de Barrio, polo que tamén permanece ingresado o seu marido de 90 anos.
A deste venres é a primeira morte rexistrada en Galicia desde o pasado 10 de xuño, cando foi notificada a última vítima mortal, un home de 83 anos que estaba ingresado no Complexo Hospitalario Universitario de Vigo.
Con estes datos, xa son 620 os pacientes falecidos en Galicia con COVID-19. Do total, 274 estaban vinculadas con residencias.
