Reunión do presidente do Parlamento cunha delegación de persoas trans que reivindican os seus dereitos
Esta campaña percorre diferentes puntos do país cunha bandeira trans xigante en procura do consenso de cidadanía e institucións, reivindicando a protección dos dereitos trans na lexislación.
Por E.P. | SANTIAGO DE COMPOSTELA | 24/05/2021 | Actualizada ás 16:30
O presidente do Parlamento de Galicia, Miguel Ángel Santalices, recibiu a unha delegación de persoas trans que reivindican o recoñecemento dos seus dereitos.
Acompañado por representantes dos grupos parlamentarios, a visita foi solicitada polo colectivo e enmárcase nunha campaña de ámbito estatal impulsada pola Federación Estatal de Lesbianas, Gais, Trans e Bisexuais (FELGTB), Fundación Triángulo e Chrysallis.
Esta campaña percorre diferentes puntos do país cunha bandeira trans xigante en procura do consenso de cidadanía e institucións, reivindicando a protección dos dereitos trans na lexislación.
Santalices deulles a benvida á Cámara galega e convidou os participantes a compartir as súas inquietudes cos grupos, a quen corresponde a presentación de propostas.
