"Os últimos cabalos realmente salvaxes de Europa están aquí, en Galicia"

Un youtuber pon a gastronomía e a paisaxe de Galicia sobre o centro das olladas cun vídeo sobre os cabalos salvaxes da fronteira con Portugal. O autor Lethal Crysis, Rubén Díez, con máis de catro millóns de seguidores na súa canle de Youtube, vén de publicar unha curtametraxe na popular plataforma de vídeos na que el mesmo desenvolve unha travesía polas montañas da raia cun pretexo claro: chegar a ver os cabalos salvaxes da zona, que el mesmo describe como "os únicos de Europa en total liberdade".

A metraxe, que vén de trocar nunha das producións máis visitadas de Youtube nas últimas horas, ten tamén espazo para un percorrido gastronómico e varias entrevistas con persoas da zona que dan fe da relevancia histórica desta particular raza de cabalos, os garranos, na área. "Eu non tiña coche nin ostias", apuntan un home nun dos primeiros fragmentos do vídeo. 

O tamén chamado 'poni portugués' --pola súa baixa estatura--, é, en realidade, unha especie autóctona da península ibérica que hoxe apenas se conserva en estado de liberdade nas serras que unen Portugal e Galicia. Un pequeno segredo dos montes galegos que, a poucas horas de ser feito público por este youtuber, acumula xa máis de 80.000 visualizacións.