A última falecida no CHUF por coronavirus era veciña doutra muller morta que estaba sen vacinar
Outros inquilinos do edificio tamén se contaxiaron de covid-19.
Por Europa Press / Redacción | Santiago de Compostela | 24/11/2021 | Actualizada ás 19:10
A muller de 79 anos falecida con coronavirus no Complexo Hospitalario Universitario de Ferrol (CHUF) o pasado martes era veciña do edificio no que vivía a muller de 58 anos que morreu o pasado 12 de novembro e que estaba sen vacinar.
A muller de 58 anos morreu no seu domicilio, pertencente á área sanitaria de Ferrol, afectada de coronavirus e non estaba vacinada contra a covid-19.
Fontes consultadas explican que a muller de 79 anos, que estaba ingresada no CHUF, era veciña do mesmo edificio de Fene no que outros inquilinos tamén se contaxiaron de covid.
O enterro da muller de 79 anos tivo lugar este mércores na parroquia de Perlío, en Fene, na intimidade familiar.
