A USC inviste como doutora Honoris Causa á expresidenta do Constitucional María Emilia Casas
Foi a primneira muller que presidiu o Tribunal Constitucional.
Por E.P. | SANTIAGO DE COMPOSTELA | 02/12/2021 | Actualizada ás 19:08
A expresidenta do Tribunal Constitucional María Emilia Casas Baamonde será investida este venres pola Universidade de Santiago de Compostela (USC) como doutora Honoris Causa.
O acto, que estará presidido polo reitor da USC, Antonio López, e no que o catedrático Javier Gárate Castro exercerá de padriño, terá lugar na mañá do venres no Paraninfo da Facultade de Xeografía e Historia.
Nada en León no ano 1950, María Emilia Casas converteuse en 2004 na primeira muller en presidir o Tribunal Constitucional, institución que encabezou ata 2011.
A maxistrada é catedrática de Dereito do Traballo e da Seguridade Social pola Universidade Complutense de Madrid. Formou parte de distintos órganos e comisións de universidades como a Carlos III de Madrid, ademais de participar en grupos de expertos da Unión Europea.
