Rueda presidirá o Consello da Xunta ante a ausencia de Feijóo este xoves
O tamén presidente do PP de Pontevedra rexeitou "falar de futuribles".
- Feijóo confirma que se reunirá con Casado antes do encontro cos "baróns" do PP
- O PPdeG dá por sentado que Feijóo collerá o timón do partido en Madrid co apoio dos "baróns"
Por Europa Press / Redacción | SANTIAGO DE COMPOSTELA | 23/02/2022 | Actualizada ás 21:15
O vicepresidente primeiro da Xunta, Alfonso Rueda, dirixirá este xoves a reunión semanal do Executivo autonómico, dada a ausencia do presidente, Alberto Núñez Feijóo, quen se desprazará á Palma para participar na Conferencia de Presidentes.
Feijóo trasladouse este xoves a Madrid para reunirse co seu xefe de filas, Pablo Casado, en Xénova, así como co resto de 'baróns' no marco da guerra aberta na formación. Todas as miradas están postas no líder do PP galego, a quen moitos dos seus compañeiros sitúan como a vía adecuada para recompor a situación.
Xa este xoves viaxará a Santa Cruz de la Palma, onde prevé participar no acto de homenaxe á Ejemplaridad del Pueblo de la Palma en apoio aos afectados polo volcán, que estará presidido polas súas Maxestades Os Reis.
RUEDA REXEITA "FALAR DE FUTURIBLES"
O venres está previsto que se celebre a Conferencia de Presidentes.
Tras dirixir o Consello da Xunta, Rueda, a quen no PPdeG sitúan como favorito para relevar a Feijóo á fronte da Xunta se se materializa a súa marcha a Madrid, informará en rolda de prensa dos asuntos acordados. Nesta mesma xornada, o tamén presidente do PP de Pontevedra rexeitou "falar de futuribles".
