Medios británicos chaman a vir a Galicia xa que "pagan aos estranxeiros para que vivan aquí"
Din que esta medida é unha maneira de impulsar a economía e combater os problemas de despobación que sofren algúns lugares.
Por Galicia Confidencial | Santiago de Compostela | 07/05/2023 | Actualizada ás 10:00
Medios británicos fixéronse eco da inicitaiva que levan a cabo algunhas localidades españolas, entre elas concellos galegos, e que consiste en pagar á xente estranxeira para que veñan vivir nestas zonas cando menos, durante 5 anos. Con isto preténdese combater a despoboación que moitas zonas do país están a sofrer e impulsar a economía local destes lugares.
Unha das localidades que ofrecen esta oportunidade é Rubiá, un municipio da provincia de Ourense que, no seu último reconto de habitantes en 2022 xuntaba 1.376 "rubiaos". Por isto, buscan familias, especialmente con fillos, que queiran establecer alí a súa residencia a cambio de 1.827€ anuais, según medios británicos.
Segundo algúns destes medios "As autoridades locais esperan que os novos cidadáns impulsen a economía local mentres desfrutan das 2.000 horas de sol ao ano".
