Os carburantes xa son máis baratos que antes da guerra de Ucraína
Xa é máis barato que coa axuda do goberno de 20 cént/litro.
Por Europa Press / Redacción | Santiago de Compostela | 18/05/2023 | Actualizada ás 12:58
O prezo dos carburantes proseguiu esta semana coa súa tendencia á baixa e xa é máis barato, tanto o diésel como a gasolina, no seu prezo medio que antes do estalido da guerra de Ucraína. En concreto, o prezo medio do diésel descendeu esta semana un 1,53% con respecto a fai sete días, para profundar nun novo mínimo neste ano e caer ao seu nivel máis baixo dende finais de xaneiro de 2022.
Segundo datos do Boletín Petroleiro da Unión Europea, recollidos por Europa Press, esta semana o prezo medio do litro de gasóleo sitúase nos 1,411 euros, consolidándose ademais nun nivel máis baixo do que custaba na última semana de 2022, cando aínda se aplicaba a subvención do Goberno de 20 céntimos por litro. Pola súa banda, o prezo medio do litro de gasolina situase nos 1,579 euros, o seu nivel máis baixo desde mediados de febreiro do ano pasado.
