Por E.P. | SANTIAGO DE COMPOSTELA | 15/06/2023 | Actualizada ás 10:41
As afiliacións á Seguridade Social subiron nas sete cidades galegas en abril, un mes de incremento do 1% de altas en Galicia, cun total rexistrado de 1.051.645, segundo os datos por municipios que publica o Instituto Galego de Estatística (IGE) este xoves.
Así, Santiago lidera o incremento entre cidades en abril, cun aumento do 2,8% respecto ao mesmo mes de 2022, ata situarse en 39.818 afiliados. Séguelle a alza do 2,4% da Coruña, cun total de 91.696.
As afiliacións do resto de cidades crecen a un ritmo menor do 2%: Vigo (1,7%, cun total de 109.333 altas); Lugo (1,6%, 37.592); Ourense (1,5%, 36.481); Ferrol (1,3%, 18.576) e Pontevedra (0,9%, 29.805). En Galicia, por cada 100 persoas que están en idade de abandonar o mercado laboral contabilízanse 18 persoas que ingresan ao sistema da Seguridade Social.
Así mesmo, por cada 100 afiliados á Seguridade Social en alta laboral menores de 40 anos hai 222 traballadores de máis desa idade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.