Morre unha persoa tras ser atropelada por un tren cerca de Lalín
O 112 Galicia recibu a alerta a través do propio Adif, que asegurou que o suceso se produciu nun punto de paso non autorizado.
Por Europa Press / Redacción | Lalín | 16/07/2023 | Actualizada ás 20:43
Unha persoa perdeu a vida tras ser alcanzada por un tren no paso inferior dunha vía de alta velocidade, á altura do lugar da Bouza, na parroquia lalinense de Botos.
Segundo confirmou o 112 Galicia, os feitos sucederon sobre as 18,30 horas. Nese momento recibiron a alerta a través do propio Adif, que asegurou que o suceso se produciu nun punto de paso non autorizado.
Con motivo deste suceso, permanecen cortadas ambas as vías entre A Grandeira e O Irixo e estanse vendo afectados os trens Vigo-Madrid Chamartín. Ademais, a interrupción da circulación afecta tamén os trens que circulan entre Ourense e A Coruña e as súas variantes.
Renfe tamén informou que traballan para liquidar a incidencia o máis axiña posible.
Ata o lugar desprazáronse os servizos sanitarios, que só puideron confirmar o falecemento da persoa alcanzada polo convoi. Tamén se requiriu a actuación do GES de Lalín, do Servizo Municipal de Protección Civil e da Garda Civil.
