Adolfo Domínguez, Premio Ourensanía 2023

O xurado do Premio Ourensanía 2023, reunido este xoves, decidiu premiar ao deseñador de moda Adolfo Domínguez co galardón da presente edición.

Así, tras analizar diferentes candidaturas, seleccionou a proposta do modisto como recoñecemento á súa traxectoria profesional, situado en Ourense no mundo da moda, pero tamén a súa faceta como home da cultura, pola súa dedicación á literatura.

Na mesma reunión, o xurado acordou conceder o Premio Ourensanía de Honra de 2023 a Xosé Ramón Fernández-Ojea, tamén coñecido como Ben-Cho-Shey (Ourense, 1896). Escritor, mestre e investigador, ao redor de cuxa figura a Deputación de Ourense organizará actos e actividades ao longo do próximo ano.

A Deputación de Ourense concedeu o Premio Ourensanía 2023 como recoñecemento honorífico a aqueles ourensáns ou persoas vinculadas á provincia de Ourense que ten destacado nas súas facetas profesionais, sociais ou intelectuais.